Zəngilan Şəhəri Gününə həsr olunmuş tədbir
BDU-nun Filologiya fakültəsində BDU Könüllülərinin təşəbbüsü ilə Zəngilan Şəhəri Gününə həsr olunmuş tədbir keçirilib. Əvvəlcə Dövlət himni səsləndirilib, torpaqlarımızın azadlığı uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.
Filologiya fakültəsinin sosial məsələlər və tələbələrlə iş üzrə dekan müavini Anar Fərəcov Zəngilanın qədim tarixindən, Birinci Qarabağ müharibəsində ermənilər tərəfindən vəhşicəsinə dağıdılmasından söz açıb, böyük tarixi Zəfərdən sonra Ali Baş Komandan cənab İlham Əliyevin Zəngilana etdiyi səfərlərdən və onun rəhbərliyi ilə Ağalı kəndində həyata keçirilmiş misilsiz quruculuq işlərindən, buraya “Böyük qayıdış”dan danışıb.
BDU könüllüsü Dinarə Rəsulovanın aparıcılığı keçirilən tədbirdə Zəngilan şəhərinə həsr olunmuş videoçarx nümayiş olunub, Filologiya fakültəsinin tələbələrindən Nərminə Məmmədlinin çıxışı dinlənilib, İlkanə Dadaşova və Nəzrin Aslanlının ifasında şeirlər səsləndirilib.
Tədbir Qarabağ zəfərinə və burada həyata keçirilən quruculuq işlərinə həsr olunmuş çıxışlarla başa çatıb.
