Elmi nailiyyətlər

Fakültənin son 5 ildə əldə etdiyi elmi nailiyyətlər bir neçə istiqamət üzrə nəzərdən keçirilə bilər:
1. Çoxsaylı monoqrafiya, dərslik, dərs vəsaiti və elmi məqalələrin nəşri. Təkcə 2019-cu ildə fakültə əməkdaşları 18 monoqrafiya, 15 dərslik, 40 dərs vəsaiti, 29 proqram, 379 məqalə, 71 tezis nəşr etdirmişlər.
2. Fakültə əməkdaşlarının beynəlxalq və respublika səviyyəli konqres, qurultay, konfrans və simpoziumlarda uğurlu iştirakı;
3. Fakültədə elmi kadr hazırlığı (magistr, fəlsəfə doktoru və elmlər doktoru proqramları üzrə doktorant və dissertantların hazırlanması).
Fakültəni magistratura səviyyəsi üzrə 2020-ci ildə 38, 2019-cu ildə 44, 2018-ci ildə 34, 2017-ci ildə 33, 2016-cı ildə 51, 2015-ci ildə 39 magistr bitirmişdir.
Hər il AMEA-nın mühüm elmi nəticələrinə aid hesabatında Filologiya fakültəsi əməkdaşlarının monoqrafiyaları da yer alır. Son illərdə - 2019-cu ildə prof.C.Nağıyevin “Qərbi Avropa ədəbiyyatı”, dos.Q.Abdullayevanın “XVII əsr ədəbi dilinin fonetik və leksik norma demokratizmi” və “XVII əsr ədəbi dilinin qrammatik norma demokratizmi”, 2020-ci ildə prof. Cəlil Nağıyevin “Dədə Qorqud, Koroğlu və...” monoqrafiyaları bu siyahıya daxil edilmişdir.