Zəfər Gününə həsr olunmuş qiraət müsabiqəsi
Filologiya fakültəsi üzrə BDU Könüllülərinin nəzdində fəaliyyət göstərən “Retro filologiya klubu”nun təşkilatçılığı ilə Zəfər Gününə həsr olunmuş “Sevimli şairim, sevimli şeirim” başlığı altında qiraət müsabiqəsi keçirilib. 8 fakültədən tələbələrin qatıldığı müsabiqənin münsiflər heyətinin üzvü “Azərbaycan mühacirət ədəbiyyatı və bədii tərcümə” ETL-nin elmi işçisi Samirə Məmmədova və Azərbaycan dili və nitq mədəniyyəti kafedrasının əməkdaşı Fikrət İsmayılov olub. Heyətin yekun qərarına əsasən, Beynəlxalq münasibətlər və İqtisadiyyat fakültəsinin tələbəsi Asiman Bayramlı I yerə, Filologiya fakültəsinin tələbəsi Validə Bayramlı II yerə, Jurnalistika fakültəsinin tələbəsi Güllü Hacıyeva III yerə layiq görülüb. Qaliblər müxtəlif hədiyyələrlə mükafatlandırılıb.
