Ulu Öndərə həsr olunmuş poeziya gecəsi keçirilib
Bakı Dövlət Universitetinin Rus Mərkəzində Azərbaycan xalqının Ümummilli Lideri Heydər Əliyevin anadan olmasının 101-ci ildönümünə həsr olunmuş “Rus poeziyası gecəsi” keçirilib. Filologiya fakültəsinin Rus dili (təbiət fakültələri üzrə) kafedrasının və Rus Mərkəzinin birgə təşəbbüsü ilə keçirilən tədbir Azərbaycan Respublikasının Dövlət Himninin səsləndirilməsi ilə başlayıb.
Poeziya gecəsində kafedra müdiri professor Mikayıl Cəfərov və Rus Mərkəzinin rəhbəri dosent Arzu Məmmədova Ulu Öndərin həyatı və fəaliyyəti ilə bağlı çıxışlar edib, həmçinin tələbələr rus (Puşkin, Lermontov, Yesenin, Simonov və b.) və Azərbaycan şairlərinin (Nəsimi, Nizami, Füzuli, B.Vahabzadə və b.) əsərlərindən nümunələr səsləndiriblər.
Sonda fəal tələbələr mükafatlandırılıb və müəllimlərlə birlikdə xatirə şəkilləri çəkdirilib.
