Bakı Dövlət Universiteti Filologiya fakültəsi

Bakı Dövlət Universitetinin Filologiya fakültəsinin bir qrup tələbəsi “Yuğ” Dövlət Teatrında yazıçı-kinodramaturq, İlqar Fəhminin böyük şairimiz İmadəddin Nəsimiyə həsr olunmuş pyesi əsasında Əməkdar incəsənət xadimi Mehriban Ələkbərzadənin quruluş verdiyi “Mənəm, mən…” tamaşasını izləyiblər. Tamaşadan xoş təəsüratlarla ayrılan tələbələr, sonda aktyorlarla görüşüb, xatirə şəkli çəkdiriblər. Qeyd edək ki, mistik-psixoloji dram kimi hazırlanan səhnə əsərində Xalq artisti Məmmədsəfa Qasımov, Əməkdar artist Qasım Nağı, aktyorlar Əbdülqəni Əliyev, Ziya Ağa, Vüqar Hacıyev, Elgün Həmidov, Amid Qasımov və Elşən Əsgərov çıxış ediblər.