Bakı Dövlət Universiteti Filologiya fakültəsi

17 oktyabr 2024-cü il tarixində Bakı Dövlət Universitetinin (BDU) Filologiya fakültəsi üzrə Tələbə Həmkərlar İttifaqı Komitəsinin (THİK) aktiv üzvləri Hərbi Qənimətlər Parkına ekskursiya ediblər. Tələbələr ekskursiya zamanı Vətən müharibəsindən əldə olunmuş hərbi qənimətlərlə tanış olublar. Tələbələrə bildirilib ki, Hərbi Qənimətlər Parkı II Qarabağ müharibəsi zamanı Azərbaycan Ordusunun qənimət olaraq ələ keçirdiyi hərbi texnikaların, silahların və Ermənistan Silahlı Qüvvələrinə aid müxtəlif hərbi avadanlıqların sərgiləndiyi parkdır. Park 12 aprel 2021-ci ildən etibarən fəaliyyət göstərir.