Bakı Dövlət Universiteti Filologiya fakültəsi

Bakı Dövlət Universitetinin Tələbə Həmkarlar İttifaqı Komitəsi (THİK), Tələbə Gənclər Təşkilatı (TGT) və Tələbə Elmi Cəmiyyətinin (TEC) təşkilatçılığı ilə Filologiya fakültəsinin tələbələri görkəmli dramaturq və filosof-şair Hüseyn Cavidin ev-muzeyini ziyarət ediblər. Səfər zamanı tələbələr Hüseyn Cavidin həyat və yaradıcılığı, ədəbiyyatımıza verdiyi töhfələr, həmçinin onun milli ədəbi fikrin inkişafındakı rolu haqqında ətraflı məlumat əldə ediblər. Muzeydə şairin şəxsi əşyaları, əlyazmaları və nadir eksponatlarla tanış olan tələbələrə Hüseyn Cavidin ədəbi fəaliyyəti, şəxsi keyfiyyətləri və irsinə dövlət qayısı haqqında geniş məlumat verilib.