“Sən elə bir zirvəsən” adlı şeir müsabiqəsi keçirilib
BDU Könüllüləri Təşkilatı, Filologiya, Tətbiqi riyaziyyat və kibernetika fakültələri könüllülərinin birgə təşəbbüsü ilə Ümummilli Lider Heydər Əliyevin 100 illik yubileyinə həsr olunmuş “Sən elə bir zirvəsən” adlı şeir müsabiqəsi keçirilib.
Müsabiqədə Tətbiqi riyaziyyat və kibernetika fakültəsinin Sosial məsələlər və tələbələrlə iş üzrə dekan müavini Şamo Cəbrayılov, Filologiya fakültəsinin Sosial məsələlər və tələbələrlə iş üzrə dekan müavini Anar Fərəcov, Filologiya fakültəsinin müəllimləri - Fikrət İsmayılov, Samirə Məmmədova və Pərvin Eyvazov iştirak ediblər.
Müasbiqəyə qatılan könüllü tələbələr müxtəlif mövzularda seçdikləri şeirləri səsləndiriblər. Münsiflər heyətinin qərarına əsasən, Tarix fakültəsinin tələbəsi Gülarə Mehdizadə I yerə, Filologiya fakültəsinin tələbəsi Mehrəngiz Qurbanova II yerə, Biologiya fakültəsinin tələbəsi Elnarə Abdullayeva III yerə layiq görülüb.
Sonda qalib könüllülər sertifikatla təltif olunublar.
