Rus ədəbiyyatı mövzusunda bilik yarışması
BDU-nun Rus ədəbiyyatı tarixi kafedrasının müəllimi İbrahim Əsədov Rus ədəbiyyatı mövzusuna həsr edilmiş bilik yarışması keçirib.
“Filologiya (Azərbaycan dili və ədəbiyyatı)” ixtisası üzrə təhsil alan II kurs 144-cü və 145-ci qruplarının tələbələri aşağıdakı mövzular üzrə yarışıblar:
1. Qədim dör rus ədəbiyyatı;
2. XVIII əsr rus ədəbiyyatı;
3. XIX əsr rus ədəbiyyatı;
4. Rus ədəbiyyatında Şərq.
Bilik yarışında iştirakçı olan komandalar qaydalarla tanış edildikdən sonra oyuna start verilib.
Tələbələr arasında gedən 4 turdan ibarət gərgin və maraqlı oyunun nəticələrinə əsasən, “Filologiya (Azərbaycan dili və ədəbiyyatı)” ixtisası üzrə təhsil alan II kurs 144-cü qrup tələbələrindən ibarət komanda cüzi fərqlə qələbə qazanıb.
Sonda tədbir iştirakçıları xatirə şəkilləri çəkdiriblər.
