“Ən uca zirvədir qadın” adlı tədbir keçirilib
BDU-nun Filologiya, Sosial elmlər və psixologiya fakültələri üzrə Tələbə Gənclər Təşkilatlarının birgə təşəbbüsü ilə “Ən uca zirvədir qadın” adlı tədbir keçirilib.
Açılış nitqi ilə çıxış edən Sosial elmlər və psixologiya fakültəsinin sosial məsələlər və tələbələrlə iş üzrə dekan müavini Nəzakət Kərimova müxtəlif cəmiyyətlərdə qadın hüquqları barəsində bir sıra məsələləri diqqətə çatdırıb.
Sonra Fəlsəfə kafedrasının müdiri Kəmalə Pənahova ölkəmizdə qadın hüquqları ilə bağlı geniş məlumat verib.
Tədbir tələbələrin çıxışları ilə davam edib.
Sosial elmlər və psixologiya fakültəsinin I kurs tələbələri Arzu Quliyeva, Mehriban Rəşidova və Filololgiya fakültəsinin I kurs tələbəsi Gülçin İsmayılova qadın zorakılığı barədə geniş məruzə ediblər.
Tarix fakültəsinin II kurs tələbəsi Lamiyə Kamallı, Filologiya fakültəsinin I kurs tələbəsi Sultan Əsədli qadınlara həsr olunmuş şeirlər səsləndirib, Filololgiya fakültəsinin II kurs tələbəsi Leyla Nəbizadə “Sarı gəlin”, TGT nəzdində fəaliyyət göstərən “11-ci simfoniya klubu”nun sədri Nazim Həsənli isə “Ala gözlüm” mahnısını ifa edib.
