Professor Almaz Məmmədovanın açıq dərsi
BDU-nun Azərbaycan ədəbiyyatı tarixi kafedrasının professoru Almaz Əli qızı Məmmədovanın Filologiya fakültəsinin III kurs Fl-162; Fl-163 qrupunda tələbələrinə “1920-1991-ci illər Azərbaycan ədəbiyyatı” fənnindən “Məmməd Səid Ordubadinin həyat və yaradıcılığı” mövzusunda açıq dərsi keçirilib. Dərsdə Azərbaycan ədəbiyyatı tarixi kafedrasının dosenti Məhərrəm Vəliyev, dosent İradə Rəhmanova, fil.f.d. Yeganə Xanlarova, fil.f.d. Aygün Zəkiyeva, kafedranın doktorant İlahə Səfərzadə iştirak ediblər. Fənn müəllimi jurnalı yoxladıqdan sonra mövzunu izah etməyə başlayıb. Dərsin sonunda müəllim yeni mövzu ilə bağlı tələbələrin suallarını cavablandırıb.
Açıq dərs daha sonra Azərbaycan ədəbiyyatı tarixi kafedrasının 05 mart 2025-ci il tarixli 07 saylı iclasında müzakirə olunub. Kafedranın dosenti Məhərrəm Vəliyev çıxış edərək müəllimin pedaqoji səriştəsini, intellektini, dərs keçmək üsulunu, mövzuya elmi yanaşmasını yüksək qiymətləndirib. Kafedranın dosenti İradə Rəhmanova müəllimin peşəkarlıq təcrübəsini xüsusi vurğulayıb və dərs barədə müsbət fikirlər söyləyib.
