Bakı Dövlət Universiteti Filologiya fakültəsi

Məlum olduğu kimi, Özbəkistanın 15-dək nüfuzlu ali təhsil müəssisəsinin nümayəndələri Bakı Dövlət Universitetində (BDU) olublar.
Səfər çərçivəsində BDU-nun Filologiya fakültəsinin Rus dili kafedrasının fəaliyyəti ilə tanış olan qonaqlara kafedra müdiri, dosent Tahir Əliyev universitetdə son illər rus dilinin tədrisi və tədqiqi sahəsində görülən işlərdən, kafedranın tədris və tədqiqat istiqamətlərindən geniş söz açıb, fakültədə nəşr olunan “Dil və ədəbiyyat” jurnalı haqqında məlumat verib. 
Sonra özbəkistanlı alimlər öz elmi-pedaqoji fəaliyyətlərindən söz açıb, qarşılıqlı əməkdaşlığın perspektivlərini müzakirə ediblər.