Osman Sarıvəlliyə həsr olunmuş elmi seminar keçirilib
Bakı Dövlət Universitetinin Filologiya fakültəsinin Tələbə Gənclər Təşkilatı və Tələbə Elmi Cəmiyyəti nəzdində fəaliyyət göstərən Ədəbiyyatşünaslıq klubunun birgə təşkilatçılığı ilə Osman Sarıvəlliyə həsr olunmuş elmi seminar keçirilib. Tədbirdə Filologiya fakültəsinin sosial məsələlər və tələbələrlə iş üzrə dekan müavini Anar Fərəcov, Azərbaycan şifahi xalq ədəbiyyatı kafedrasının dosenti Məhəmməd Məmmədov, Azərbaycan ədəbiyyatı tarixi kafedrasının dosenti Həqiqət Abdıyeva və tələbələr iştirak ediblər.
Filologiya fakültəsi üzrə Tələbə Gənclər Təşkilatının sədri Hümbət Bədəlov seminarı açıq elan edərək, Osman Sarıvəlliyə həsr olunmuş elmi seminarın əhəmiyyətindən danışıb.
Azərbaycan ədəbiyyatı tarixi kafedrasının dosenti Məti Osmanoğlu Osman Sarıvəlli yaradıcılığı haqqında ətraflı məlumat verib, onunla bağlı xatirələrini bölüşüb, mərhum şairin ona ərmağan etdiyi imzalı kitabları iştirakçılara nümayiş etdirib.
Məruzəçi Hümbət Bədəlov ədibin poeziyasının bənzərsiz xüsusiyyətlərindən söz açıb, şairin şeirlərini və yazdığı xatirələri səsləndirib.
Elmi seminarda Osman Sarıvəlliyə həsr olunmuş videoçarx nümayiş etdirilib, mövzu ilə bağlı müzakirələr aparılıb.
