Nigar Rəfibəylinin həyatı və yaradıcılığına həsr olunmuş elmi seminar
Bakı Dövlət Universitetinin Filologiya fakültəsində Tələbə Elmi Cəmiyyəti və Tələbə Gənclər Təşkilatının birgə təşəbbüsü ilə 8 Mart – Beynəlxalq Qadınlar Günü münasibətilə Xalq şairi Nigar Rəfibəylinin həyatı və yaradıcılığına həsr olunmuş elmi seminar keçirilib. Seminarın məruzəçisi - Filologiya fakültəsinin Tələbə Elmi Cəmiyyətinin sədri Nəzrin Əliyeva Nigar Rəfibəylinin keşməkeşli ömür yolundan, Rəsul Rza ilə tanış olmalarından, bu sevginin onun yaradıcılığına təsirindən söz açıb. Çıxışda Nigar Rəfibəyli poeziyasına qısa ekskursiya edilib, onun "Ayrılıq", "Neyləyim", "Ürək" və başqa şeirləri səsləndirilib. Sonra Nigar Rəfibəylinin şeirlərinə bəstələnmiş musiqilər təqdim olunub. Seminar müzakirələrlə yekunlaşıb.