Bakı Dövlət Universiteti Filologiya fakültəsi

BDU-nun Filologiya fakültəsinin İngilis dili (təbiət elmləri üzrə) kafedrasının müəllimləri filologiya üzrə fəlsəfə doktoru Aytən Hümbətova və Aynur Məmmədova “British Council” tərəfindən akkreditə olunmuş, beynəlxalq səviyyədə tanınan, təhsildə mükəmməlik və inkişaf baxımından nüfuz sahibi olan “İEUK”nin müəllimlərin ingilis dili fənninin tədrisi bacarıqlarını daha da inkişaf etdirmələri üçün ingiliscənin tədrisində yeni innovativ metodologiyaların, yanaşmaların, pedaqogika və qiymətləndirmələrin tətbiqi baxımından xüsusi olaraq hazırlanmış “Britaniya TESOL Sertifikatı Təlimi”ndə iştirak ediblər.
Təlim İngiltərənin ikinci ən böyük şəhərində yerləşən Birminqam mərkəzi ofisinin dünyaca tanınmış dil mütəxəssisləri tərərfindən hazırlanıb və təşkil edilib. Seminarlar Birminqam kollecinin direktor müavini, “İEUK” şirkətinin tədris departamentinin rəhbəri cənab Rafael Salguero, beynəlxaq təlimçilər Daniella Mundy, Stefanie Dimond Bayir və Gürcüstan Kutaisi Beynəlxalq Universitetinin professoru İnga Diakonidze tərəfindən keçirilib.
Təlim proqramını uğurla başa vuran müdavimlər “Britaniya TESOL Təlimini Peşəkar Bitirmə Sertifikatı” ilə təltif ediliblər.