Bakı Dövlət Universiteti Filologiya fakültəsi

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirtdiyi “C.Cabarlı adına Mədəniyyət, Elm və Təhsillin İnkişafına Yardım” İctimai Birliyinin “Cəfər Cabbarlı- ədəbiyyatımızın böyük sənət fədaisi” adlı layihəsinin fəaliyyət planına uyğun olaraq 17 oktyabr 2024-cü il tarixində Bakı şəhərində, AMEA-nın Mərkəzi Elmi Kitabxanasında Azərbaycan ədəbiyyatının görkəmli nümayəndəsi, böyük dramaturq, teatr və kino xadimi Cəfər Cabbarlının anadan olmasının 125 illiyi münasibəti ilə “Cəfər Cabbarlı Mükafatı”nın təqdimat mərasimi keçirilib.
Tədbirdə bir sıra tanınmış elm, mədəniyyət və incəsənət xadimlərinə “Cəfər Cabarlı Mükafatı” təqdim olunub. Eləcə də böyük dramaturq, teatr və kino xadimi Cəfər Cabbarlının ədəbi irsinin təbliği sahəsində keçirilən konfrans və tədbirlərdə fəal içtirakına görə BDU-nun Azərbaycan dili və ədəbiyyatının tədrisi metodikası kafedrasının dosenti Məhbubə Qurbanova “Fəxri Fərman”la mükafatlandırılıb.