Bakı Dövlət Universiteti Filologiya fakültəsi

"BDU könüllüləri" təşkilatı nəzdində fəaliyyət göstərən "PennaDoro" klubunun təşkilatçılığı ilə "Film Günü" təşkil olunub.
 Klubun sədri Fidan Mövləyevanın çıxışı ilə açıq elan edilən görüş zamanı rejissor Həbib İsmayılovun çəkdiyi "Ögey ana" filmi izlənilib və həmin film ətrafında müzakirələr aparılıb.
 Filmdə yeni ailə münasibətlərindən, tərbiyə məsələlərindən, ögey ananın  doğmalığından, onu ana kimi qəbul etmək istəməyən balaca İsmayılın kövrək qəlbini xeyirxahlıqla necə ələ ala bilməsindən söhbət açılır. Film sevgi ilə hər şeyi bacarmağın mümkün olduğu fikrini bir daha təsdiq edir.