“İxtisas üzrə tədris mətni nitqin inkişafı üçün vasitədir” mövzusunda elmi seminar
BDU-nun Filologiya fakültəsinin Rus dili (təbiət fakültələri üzrə) kafedrasında “İxtisas üzrə tədris mətni nitqin inkişafı üçün vasitədir” mövzusunda elmi seminar keçirilib. Seminarda kafedranın professor-müəllim heyəti iştirak edib.
Mövzu ilə bağlı məruzə edən Rus dili (təbiət fakültələri üzrə) kafedrasının baş müəllimi Gültəkin Qarabağlı qeyd edib ki, BDU-nun təbiət fakültələrində təhsil alan tələbələrin gələcəkdə dərin biliklərə sahib mütəxəssis olmaları üçün öz ixtisasları üzrə rusdilli mənbələri oxuyub, onların məzmununu anlaması çox vacibdir. Tələbələr akademik nitqin xüsusiyyətlərini başa düşməli, elmi cümlələr və kiçik elmi məzmunlu mətnləri qurmağı bacarmalıdırlar. Həmçinin onların rus dilində diskussiyalarda, seminarlarda iştirak etmələri arzu olunandır. Bu məqsədlə rus dili dərslərində elmi mətndən əsas informasiyanı seçmək, zəruri olanda mətni sxem və cədvəl şəklinə salmaq, mətnin planını və konspektini tutmaq bacarıqları və vərdişləri öyrədilməlidir. Mətnin məzmunu tələbələrin fəaliyyətinin obyekti, məzmunun mənimsənilməsi isə fəaliyyətin nəticəsi olmalıdır.
Seminar müzakirələrlə yekunlaşıb.
