İngilis dili müəllimləri beynəlxalq təlimdə iştirak ediblər
BDU-nun Filologiya fakültəsinin İngilis dili (humanitar fakültələr üzrə) kafedrasının müəllimi, filologiya üzrə fəlsəfə doktoru Səbinə Vilayət qızı İsmayılova və İngilis dili (təbiət fakültələri üzrə) kafedrasının baş müəllimləri - filologiya üzrə fəlsəfə doktoru Nigar Vaqif qızı Seyidova və Mirvari Arif qızı Qəhrəmanova Budapeşt Beynəlxalq Dil Mərkəzi tərəfindən təşkil olunmuş xarici dil müəllimlərinin peşəkar inkişaf proqramında iştirak edib və sertifikatlara layiq görülüblər. Təlimdə müəllimin tədris bacarıqlarının təkmilləşdirilməsi yolları, dərsə innovativ pedaqoji yanaşmalar, tələbələrin danışıq, dinləmə, yazı və oxu bacarıqlarını inkişaf etdirilməsi üsulları ilə yanaşı, sinifdə fəal ünsiyyət atmosferi yaratmaq və daha effektiv tədris materiallarını tərtib etmək üsulları kimi mövzular müzakirə obyekti olub.
