Heydər Əliyevin 100 illiyinə həsr olunmuş poeziya axşamı
BDU-nun Filologiya fakültəsinin Rus dili (təbiət fakültələri üzrə) kafedrası və Rus Mərkəzinin birgə təşəbbüsü ilə Ulu Öndər Heydər Əliyevin 100 illik yubileyinə həsr olunmuş poeziya axşamı keçirilib. Tədbirdə kafedranın professor-müəllim heyəti, Rus Mərkəzinin rəhbəri Arzu Əliyeva və tələbələr iştirak ediblər.
Azərbaycan Respublikasının Dövlət Himni səsləndirildikdən sonra kafedra müdiri professor Mikayıl Cəfərov açılış nitqi ilə çıxış edib. Sonra kafedranın baş müəllimi Gülər Sənani Heydər Əliyevin həyatı və fəaliyyəti haqqında məruzə edib.
Tədbirdə tələbələrin ifasında Azərbaycan və rus dillərində Puşkin, Lermontov, S.Vurğun və B.Vahabzadənin şeirləri səsləndirilib, “Yaşa, yaşa Azərbaycan” mahnısı ifa olunub.
Sonda aktiv tələbələrə “Fəxri fərman”lar təqdim olunub.
