“Heydər Əliyev İli”nə həsr olunmuş qiraət müsabiqəsi
Bakı Dövlət Universitetinin Filologiya və Jurnalistika fakültələrinin Tələbə Gənclər təşkilatlarının birgə təşəbbüsü ilə "Güclü Lider, Güclü Azərbaycan" layihəsi çərçivəsində “Heydər Əliyev İli”nə həsr olunmuş bədii qiraət müsabiqəsi keçirilib. Müxtəlif fakültələrin tələbələrinin qatıldığı müsabiqənin dəyərləndirmə komissiyasının üzvləri Sosial məsələlər və tələbələrlə iş üzrə dekan müavini Anar Fərəcov, Azərbaycan ədəbiyyatı tarixi kafedrasının dosenti Məti Osmanoğlu və Azərbaycan dilçiliyi kafedrasının dosenti Fikrət Əlizadə olub. Komissiyanın yekun qərarına əsasən, Filologiya fakültəsinin tələbəsi Aysu İsmayılova I, Biologiya fakültəsinin tələbəsi Kəmaləddin Hüseynov II, Jurnalistika fakültəsinin tələbəsi Elmira Ağayeva isə III yerlərə layiq görülüblər. Sonda qaliblər diplomla təltif olunublar.
