Füzuli Şəhəri Gününə həsr olunmuş tədbir
BDU-nun Filologiya fakültəsində Tələbə Gənclər Təşkilatının təşəbbüsü ilə Füzuli Şəhəri Gününə həsr olunmuş tədbir keçirilib. Əvvəlcə Dövlət himni səsləndirilib, torpaqlarımızın azadlığı uğrunda həlak olan şəhidlərimizin əziz xatirəsi bir dəqiqəlik sükutla yad edilib.
Filologiya fakültəsinin sosial məsələlər və tələbələrlə iş üzrə dekan müavini Anar Fərəcov, İngilis dili (humanitar fakültələr üzrə) kafedrasının müdiri, dosent Bəylər Hacıyev çıxış edərək, Füzuli şəhərinin tarixindən, Birinci Qarabağ müharibəsində ermənilər tərəfindən vəhşicəsinə dağıdılmasından söz açıb, böyük tarixi Zəfərdən sonra Ali Baş Komandan cənab İlham Əliyevin Füzuliyə etdiyi səfərlərdən və onun rəhbərliyi ilə burada həyata keçirilən misilsiz quruculuq işlərdən danışıblar.
Tədbir Filologiya fakültəsi tələbələrinin çıxışları ilə davam edib. Fatimə Əzimova, Validə Bayramlı və Cəmilə Ağabəylinin çıxışları dinlənilib, Aysu Türkel vətənpərvərlik mövzusunda şeirlər səsləndirib.
