Bakı Dövlət Universiteti Filologiya fakültəsi

Filologiya fakültəsi üzrə BDU Könüllüləri və Tələbə Gənclər Təşkilatının üzvləri Hərbi Qənimətlər Parkına ekskursiya ediblər. Tələbələr 44 günlük Vətən müharibəsi zamanı düşməndən qənimət kimi götürülən hərbi texnika, erməni terrorçuların qoyub-qaçdığı atıcı silahlar, ağır texnikalar, raket kompleksləri, hərbi nəqliyyat və digər sursatlarla tanış olublar. Tələbələr parkın ərazisindəki videozalda Azərbaycan Respublikasının Prezidenti, Ali Baş Komandan cənab İlham Əliyevin aparıcı media qurumlarına müsahibələrini və xalqa müraciətlərini əks etdirən videomaterialları qürur hissi ilə izləyiblər.