Filologiya fakültəsinin tələbələri Bakı Ekspo Mərkəzində keçirilən VII Bakı Beynəlxalq Kitab Sərgi-Yarmarkasında fəal iştirak edir
Məlum olduğu kimi, oktyabrın 6-dan başlayaraq Bakı Ekspo Mərkəzində VII Bakı Beynəlxalq Kitab Sərgi-Yarmarkası keçirilir. Oktyabrın 10-a qədər davam edəcək builki sərgi-yarmarka dahi Azərbaycan şairi və mütəfəkkiri Nizami Gəncəvinin 880 illiyinə həsr olunub.
Cəmiyyətdə mütaliənin təbliğini, kitab işi sahəsində istedadlı şəxslərin geniş kütlələrə tanıdılmasını hədəfləyən bu mötəbər beynəlxalq tədbirdə BDU-nun Filologiya fakültəsinin 100-ə yaxın tələbəsi iştirak edib. Fakültənin sosial məsələlər və tələbələrlə iş üzrə dekan müavini Anar Fərəcovun rəhbərliyi ilə sərgi-yarmarkaya qatılan tələbələr burada yeni nəşrlərlə, müxtəlif sahələri əhatə edən stendlərlə, nəşriyyatlarla yaxından tanış olublar. Həmçinin görkəmli ədəbiyyat xadimləri Anar, Elçin Əfəndiyev, Sabir Rüstəmxanlı, Çingiz Abdullayev və Vahid Əzizlə görüşən tələbələrə onların imzaları ilə kitablar təqdim edilib.
Kitabsevərlər üçün böyük bayram olan bu sərgi-yarmarkaya bütün tələbələrimizi dəvət edirik.
