Filologiya fakültəsi Tələbə Gənclər Təşkilatının təşəbbüsü ilə akademik Zərifə Əliyevanın 98 illiyinə həsr olunmuş onlayn tədbir keçirilib
BDU-nun Filologiya fakültəsi Tələbə Gənclər Təşkilatının təşəbbüsü ilə görkəmli otfalmoloq akademik Zərifə xanım Əliyevanın anadan olmasının 98 illiyinə həsr olunmuş onlayn tədbir keçirilib. Tədbir akademik Zərifə Əliyevanın əziz xatirəsinin bir dəqiqəlik sükutla yad edilməsi ilə başlayıb.
BDU-nun Humanitar məsələlər və gənclər siyasəti şöbəsinin müdiri Ramin Səmədov giriş sözü ilə çıxış edərək, görkəmli alimin şəfərli ömür yolundan, gələcək nəsillərə örnək olan fəaliyyətindən danışıb. Bildirib ki, Zərifə Əliyevanın keçdiyi şərəfli ömür yolu hər bir Azərbaycan vətəndaşı, hər bir alim və həkim üçün həyat və mənəviyyat dərsi, kamillik və müdriklik məktəbidir.
Filologiya fakültəsinin sosial məsələlər və tələbələrlə iş üzrə dekan müavini Anar Fərəcov Ulu öndər Heydər Əliyevin vəfalı ömür-gün yoldaşı Zərifə Əliyevanın elmi-ictimai fəaliyyətindən, tibb elminin inkişafındakı müstəsna xidmətlərindən danışıb. Qeyd edib ki, onun zəngin elmi irsi, qazandığı nailiyyətlər, yaratdığı fundamental əsərlər Azərbaycan tibb elminin parlaq səhifələrini təşkil edir.
Tələbə Gənclər Təşkilatının üzvü Ləman Cəfərzadənin moderatorluğu ilə keçirilən tədbirdə Filologiya fakültəsinin tələbələri – TGT-nin sədr müavini Ələkbər Həsənov, Gülnar Hüseynova, Aygün Əhmədova və başqaları akademik Zərifə Əliyevanın həyat və fəaliyyətinə həsr olunmuş çıxışlar ediblər.