Filologiya fakültəsi Həmkarlar İttifaqı Komitəsinin hesabat-seçki konfransı keçirilib
BDU-nun Filologiya fakültəsində Həmkarlar İttifaqı Komitəsinin hesabat-seçki konfransı keçirilib. Filologiya fakültəsinin Sosial məsələlər və tələbələrlə iş üzrə dekan müavini, filologiya elmləri üzrə fəlsəfə doktoru Anar Fərəcovun moderatorluğu ilə keçirilən iclasda Azərbaycan Təhsil İşçiləri Azad Həmkarlar İttifaqının (ATİAHİ) sədr müavini Mirzə Cəfərzadə, BDU-nun Həmkarlar İttifaqı Komitəsinin sədri Rəşad Cabbarov, fakültə rəhbərliyi və professor-müəllim heyəti iştirak ediblər.
Öncə fakültə üzrə Həmkarlar İttifaqı Komitəsinin keçmiş sədri, mərhum Əliheydər Ağakişiyevin xatirəsi bir dəqiqəlik sükutla yad olunub. Sonra HİK-in üzvü, dosent Sevinc Məmmədova təşkilatın fəaliyyəti ilə bağlı hesabat xarakterli çıxış edib.
İclasda fakültə dekanı, dosent Elçin Məmmədov, İngilis dili (təbiət fakültələri üzrə) kafedrasının müdiri, professor Abbas Abbasov, ATİAHİ-in sədr müavini Mirzə Cəfərzadə çıxış edərək hesabata münasibət bildiriblər.
Sonra fakültə üzrə HİK-in yeni üzvlərinin və sədrinin seçkisi keçirilib. “Türkoloji araşdırmalar” ETL-in elmi işçisi, filologiya elmləri üzrə fəlsəfə doktoru Ramil Bayramov fakültə üzrə Həmkarlar İttifaqı Komitəsinin sədri seçilib.
