Bakı Dövlət Universiteti Filologiya fakültəsi

“BDU könüllüləri” təşkilatının Filologiya fakültəsi üzrə könüllülərinin təşəbbüsü ilə 8 Mart - Beynəlxalq Qadınlar Gününə həsr olunmuş “Qadınlar nə deyir?” adlı diskussiya keçirilib.
Diskussiya zamanı qadın və kişi hüquqlarının tarixi inkişafı, onların cəmiyyətdəki rolu, təhsil və karyera, sosial media stereotipləri, valideyn olmaq məsuliyyəti və digər məsələlər haqqında müzakirələr aparılıb. Hər iki tərəf baxışlarını real həyatdan nümunə gətirərək obyektiv şəkildə təqdim edib və bu mövzuda statistik məlumatlarla çıxış ediblər.
Diskussiyanın sonunda könüllülər komandalara bölünərək məşhur qadınlarla bağlı sual-cavab tipli interaktiv yarışda iştirak ediblər.
Sonda “Məshəti Gəncəvi” komandası qalib gəlib.