Bakı Dövlət Universiteti Filologiya fakültəsi

Filologiya fakültəsi üzrə “BDU könüllüləri” Təşkilatının təşəbbüsü ilə "Vəsfi-cahan" layihəsi çərçivəsində “Nizami Gəncəvi: zamanı aşan sözlər” adlı tədbir keçirilib. 
Tədbiri Filologiya fakültəsi üzrə "BDU könüllüləri" Təşkilatının sədri Ayşə Quluzadə açıq elan edib, həyata keçirilən layihənin əhəmiyyətindən danışıb. 
Filologiya fakültəsinin sosial məsələlər və tələbələrlə iş üzrə dekan müavini Anar Fərəcov Nizami Gəncəvi irsinin gələcək nəsillərə aşılanmasının önəmindən söz açıb, dahi şairlə bağlı belə tədbirlərin təşkil olunmasının gənclər üçün tərbiyəvi əhəmiyyət daşıdığını diqqətə çatdırıb. 
Tədbirdə tələbələrin ifasında şairin yaradıcılığından müxtəlif şeirlər səsləndirilib, haqqında videoçarxlar nümayiş etdirilib.