Fakültə könüllüləri film günü təşkil edib
“BDU könüllüləri” təşkilatı nəzdində fəaliyyət göstərən "PennaDoro" klubunun təşkilatçılığı ilə film günü təşkil olunub.
Klubun sədri Fidan Mövləyevanın çıxışı ilə açıq elan edilən görüş zamanı kinorejissor Arif Babayevin çəkdiyi “Uşaqlığın son gecəsi” bədii filmi izlənilib və həmin film ətrafında müzakirələr aparılıb.
Filmdə mərkəzi fiqurlar Murad və Rüstəmin hekayəsi danışılır. Məktəbi yeni bitirən Murad ali məktəbə daxil ola bilməyib. Onun qohumu və dostu Rüstəm isə təyinatını mühəndis kimi ət kombinatına alır. Kombinatda onlar ət oğurlayan dəstə ilə toqquşur. Dəyərlər arasında ziddiyyətlər, məsuliyyət hissi süjetdə ön plana çıxır. Əhvalat eyni zamanda hər iki qəhrəmanın ilk sevgisindən bəhs edir və film xeyrin şər üzərində qələbəsi ilə yekunlaşır.
