Bakı Dövlət Universiteti Filologiya fakültəsi

BDU Könüllülərinin təşəbbüsü ilə Filologiya fakültəsinin könüllüləri Şuşa Dövlət Musiqili Dram teatrında görkəmli dramaturq Cəlil Məmmədquluzadənin “Anamın kitabı” tragikomediyasını izləyiblər.
Tamaşada XX əsrin əvvəllərində Azərbaycan cəmiyyətinin acınacaqlı vəziyyəti əks olunur. Belə ki, qardaşların timsalında vətənə, xalqa, ana dilinə olan laqeydlik açıq şəkildə təqdim və tənqid olunur. Əsər üç qardaşın - Rüstəm bəyin, Mirzə Məhəmmədəlinin, Səməd Vahidin komediyası, ananın faciəsi, Gülbaharın isə dramıdır. 
Tədbirdən sonra könüllülər tamaşa ilə bağlı öz təəssüratlarını bölüşüblər.