Ədəbiyyatşünas və publisist İlahə Səfərzadə ilə görüş
“BDU könüllüləri” təşkilatı nəzdində fəaliyyət göstərən “PennaDoro” klubunun təşkilatçılığı ilə “Qızıl qələm” layihəsi çərçivəsində gənc ədəbiyyatşünas və publisist İlahə Səfərzadə ilə görüş keçirilib.
Görüş klub sədri Fidan Mövləyevanın çıxışı ilə açıq elan edilib. Müzakirə zamanı gənc yazar öz qələm təcrübəsini və ədəbi fəaliyyətlə məşğul olmaqla bağlı fikirlərini bölüşüb. Uğurlu yazar olmaq üçün əsas tələblər və qısa hekayə yazmağın mühüm cəhətləri tələbələrin diqqətinə çatdırılıb. Ardınca görkəmli şəxsiyyətlərin yaradıcılıqlarından nümunələr səsləndirilib.
Qeyd edək ki, görüşün əsas məqsədi yazarlıq qabiliyyətini inkişaf etdirmək istəyən gənclərə bu yolda dəstək olmaqdır. Bu məqsədlə tələbələr İlahə Səfərzadə ilə bir araya gələrək onun yaradıcılıq sirlərini öyrənib, əsərləri haqqında müzakirələr aparıblar. Sonda qonaq iştirakçıları maraqlandıran sualları cavablandırıb.
