Ədəbiyyatşünas alim Məti Osmanoğlu ilə görüş keçirilib
“BDU könüllüləri” təşkilatının “PennaDoro” klubunun təşkilatçılığı ilə "Qızıl qələmlər" layihəsi çərçivəsində BDU-nun Azərbaycan ədəbiyyatı tarixi kafedrasının dosenti, tanınmış ədəbiyyatşünas alim və publisist Məti Osmanoğlu ilə görüş keçirilib.
Yazıçılıq qabiliyyətini inkişaf etdirmək istəyən gənclərə dəstək məqsədilə təşkil olunan tədbiri giriş sözü ilə açan klubun sədri Fidan Mövləyeva keçirilən görüşün əhəmiyyətindən danışaraq, tələbələrin dəvətini qəbul etdiyi üçün Məti Osmanoğluya təşəkkürünü bildirib.
Sonra söz Məti Osmanoğluya verilib. O, yazı sənətinin tarixi, ədəbi yaradıcılıqla məşğul olmaq bacarıqlarının formalaşdırılması, esse janrının əsas özəllikləri haqqında geniş məlumat verib, uğurlu qələm sahibi olmağın sirlərindən söz açıb, görkəmli ədəbi şəxsiyyətlərin əsərlərindən nümunələr səsləndirib.
Sonra M.Osmanoğlu tələbələrin suallarını cavablandırıb. Görüş müzakirələrlə başa çatıb.
