Dosent Nərmin Həsənovanın elmi seminarı
BDU-nun Filologiya fakültəsinin Dünya ədəbiyyatı kafedrasında “Эрик Эммануэльшмитт – философ и рассказчик историй” mövzusunda elmi seminar keçirilib. Kafedra müdiri, professor Cəlil Nağıyev seminarın mövzusunun aktuallığından danışıb.
Mövzu ilə bağlı məruzə edən kafedranın dosenti Nərmin Həsənova bildirib ki, Erik Emmanuel Şmitt tanınmış müasir yazıçılardan biridir. O, çoxsaylı ədəbi mükafatların laureatıdır. O, fəlsəfə təhsili alıb, lakin daha öncə pyeslər, sonra isə romanlar yazmağa başlayıb. O, bir çox əsərlərini dini mövzulara həsr edib. Onun ən məşhur romanlarından biri “Pilatın İncili”dir. Roman yeni inancın - xristianlığın doğulmasından, həmçinin Pilatın Məsihin itmiş cəsədini axtarmasından bəhs edib. Şmitt müxtəlif dinlərlə maraqlanır. Onlara bir sıra hekayələr həsr edib: Buraya “Görünməzin dövriyyəsi”, “Oskar və Çəhrayı Geyimdə Xanım”, “Müsyö İbrahim və Quranın çiçəkləri”, “Nuhun övladları” və s. əsərləri daxildir. Bu əsərlərin əsas qəhrəmanları sevdiklərinin sevgisinə, şəfqətinə, diqqətinə ehtiyacı olan uşaqlardır.
Kafedranın dosenti Nüşabə Sadıxlı mövzu ilə bağlı fikirlərini bölüşüb, Erik Emmanuel Şmittin yaradıcılığı ilə bağlı əlavə məlumatlar verib.
Sonra mövzu ilə bağlı çıxışlar edilib, məruzəçiyə suallar ünvanlanıb. Seminar müzakirələrlə yekunlaşıb.
