Bakı Dövlət Universiteti Filologiya fakültəsi

Bakı Dövlət Universitetinin (BDU) Filologiya fakültəsinin Azərbaycan dili və nitq mədəniyyəti kafedrasının  dosenti,  filologiya üzrə fəlsəfə doktoru Asifə Telman qızı Əliyevanın Biologiya fakültəsinin “Biologiya müəllimliyi” ixtisası üzrə I kurs, “İ198” qrupunda “Azərbaycan dilində işgüzar və akademik kommunikasiya” fənnindən “Məktublar epistolyar üslubun əsas növü kimi. Elekt­ron işgü­zar kom­mu­ni­ka­si­ya (EİK)” mövzusunda açıq dərsi keçirilib. Dərsdə Azərbaycan dili və nitq mədəniyyəti kafedrasının müdiri, professor İlhamə Hacıyeva, dosent Sultan Seyidova, dosent Səidə Abbasova, müəllimlər Aytəkin Mirzəyeva və Şəhla Hüseynova iştirak ediblər. 
Dərsin əvvəlində fənn müəllimi Asifə Telman qızı Əliyeva tələbələrin dərsə davamiyyətini yoxlayıb və yeni mövzunun məqsədini izah edib. Mövzu haqqında mühüm məqamları diqqətə çatdıran müəllim qeyd edib ki, “Mək­tub­lar epis­tol­yar üslu­bun ən qə­dim və ge­niş ya­yıl­mış növlə­rin­dən bi­ri­dir. Qə­dim za­man­lar­da mək­tub­la­rı göndər­mək üçün hət­ta quş­lar­dan (əsa­sən göyər­çin­lər­dən) is­ti­fa­də olun­muş­dur. Son­ra müxtə­lif nəq­liy­yat va­si­tə­lə­ri ilə xüsu­si ça­par­lar mək­tub­la­rı ünvan­la­rı­na çat­dır­mışlar. Kar­van­sa­ra­lar­da da­ya­nan ça­par­lar at­la­rı­nı də­yi­şir və yol­la­rı­na da­vam edir­di­lər. Bir ölkə­dən baş­qa bir ölkə­yə “qa­sid” və ya “el­çi “ adı ilə şəxs­lər göndə­ri­lir, on­lar hökmdar­la­rı­nın sözlə­ri­ni, tə­ləb və tək­lif­lə­ri­ni ya şi­fa­hi, ya da ya­zı­lı şə­kil­də-mək­tub for­ma­sın­da təq­dim edir­di­lər. Onlar mək­tub­ların müxtəlif cür təs­nifatını nümayiş etdirdilər”.

Daha sonra fənn müəllimi mövzu üzrə elmi baza və praktiki bilikləri tələbələrə təqdim edib və onları müzakirəyə cəlb edib. Dərs zaman tələbələr mövzu ilə bağlı əldə etdikləri bilikləri elmi yanaşma və təhlillərlə təqdim etməklə yanaşı, dərsin mahiyyətini hazırladıqları slaydları əsasında izah ediblər. Tələbələrdən  Abdullayeva Ofelya, Aslanlı Fidan, Xəlilov Cəbrayıl, Əliyeva Nurcahan,  Rufullayeva Nuranə, Quliyeva Nərmin, Şirinova Sevgi, Əhmədli Dilşad, və  digərləri  hazırladıqları təqdimatlarla  çıxış etdilər. Bu mək­tub­ların  for­ma­ca bir-bi­ri­nə bən­zə­sə də, on­lar ara­sın­da müəy­yən fərq­lərin  mövcud olduğunu vurğuladılar. Daha sonra ədə­bi mək­tub­lar və məi­şət mək­tub­la­rı qey­ri-rəs­mi məktub­­lardan söz açdılar.

Sonda kafedra müdiri, professor İlhamə Hacıyeva çıxış edərək, dərsdə müasir təlim metodlarından səmərəli istifadə olunmaqla tələbələrə nəzəri biliklərlə yanaşı, praktik vərdişlərin də aşılanmasını xüsusi vurğulayıb. Tələbələrin mövzu ilə bağlı dərin hazırlığı, İKT imkanlarından düzgün istifadəsi və məktubların  hazırlanmasında  elekt­ron işgü­zar kom­mu­ni­ka­si­yadan isifadə zamanı  dəqiqliyə, yazı etikasına riayət olunmasına dair fikirləri dərsin müsbət tərəflərindən biri kimi qiymətləndirilib.