Dahilərə həsr olunmuş tədbir
Oktyabrın 14-də BDU-nun Filologiya fakültəsində Tələbə Gənclər Təşkilatının təşəbbüsü ilə “Milli ruh və mənəviyyatımıza işıq salan dahilərimiz” adlı tədbir keçirilib. Tədbir Azərbaycan Respublikasının Dövlət Himni ilə başlayıb.
Tədbirin aparıcısı Tələbə Gənclər Təşkilatının sədr müavini Şüşəxanım Vəliyevanın açılış nitqindən sonra, Cahan Nəcəfovanın hazırladığı təqdimat nümayiş olunub.
Tədbirdə tələbələrdən – Aytac Salahlı, Rüfanə Qasımova və Mehrəngiz Qurbanova şeirlər səsləndirib, Rəna Qarayeva və Mənzərə Musayevanın çıxışları dinlənilib, Üzeyir Hacıbəylinin “Arazbarı” əsəri təqdim olunub və mövzuya həsr edilmiş videoçarx göstərilib.
Filologiya fakültəsi Tələbə Gənclər Təşkilatının sədri Aydan Rüstəmzadənin yekun nitqi ilə tədbir başa çatıb.
