“Con Qolsuorsinin hekayələri Azərbaycan dilində: sənətkarlıq məsələləri” mövzusunda elmi seminar
BDU-nun Filologiya fakültəsinin Azərbaycan ədəbiyyatı tarixi kafedrası nəzdində “Azərbaycan mühacirət ədəbiyyatı və bədii tərcümə” ETL-də “Con Qolsuorsinin hekayələri Azərbaycan dilində: sənətkarlıq məsələləri” mövzusunda elmi seminar keçirilib. Seminarda “Azərbaycan mühacirət ədəbiyyatı və bədii tərcümə” ETL-in əməkdaşları, “Dədə Qorqud” ETL-in əməkdaşları - F.Ağayeva və F.Əliyeva, Azərbaycan dili kafedrasının əməkdaşı Z.Məmmədova, Azərbaycan ədəbiyyatı tarixi kafedrasının əməkdaşı S.Hüseynova, Alman və fransız dilləri kafedrasının dosenti X.Abdullayeva, II kurs magistrantları - A.Məmmədzadə və P.Qarayeva iştirak ediblər.
“Azərbaycan mühacirət ədəbiyyatı və bədii tərcümə” ETL-in müdiri, dosent Nəzakət Hüseynova elmi seminarın gündəliyindəki mövzunun aktuallığından bəhs edərək məruzə üçün laboratoriyanın elmi işçisi Samirə Məmmədovaya söz verib. Filologiya üzrə fəlsəfə doktoru Samirə Məmmədova mövzu ilə bağlı geniş məruzə ilə çıxış edib.
Sonra mövzu ətrafında çıxışlar edilib, məruzəçiyə suallar ünvanlanıb.
