Baş müəllim Nilufər Qarabəyovna Mahmudova beynəlxalq sertifikata layiq görülüb
BDU-nun İngilis dili (təbiət fakültələri üzrə) kafedrasının baş müəllimi Nilufər Qarabəyovna Mahmudova 17- 19 may 2024-cü il tarixlərində ABŞ Səfirliyi tərəfindən 13 müxtəlif şəhəri təmsil edən ingilis dili müəllimləri assosiasiyaları, müəllim həmkarlar ittifaqları və könüllü müəllim fəaliyyət qruplarının rəhbərləri və üzvləri üçün təşkil olunmuş “Azərbaycan müəllimlərinin liderlik bacarıqlarının artırılması emalatxanası (Azerbaijan Teacher’s Leadership Workshop)” adlı layihənin Bacarıqların Artırılması və Liderlik (Capacity Building/Skill Building Proqram) seminarına qatılıb və əməkdaşımız fəal iştirakına görə beynəlxalq sertifikatla təltif olunub.
Qeyd edək ki, proqramın əsas məqsədi ingilis dili müəllimləri rəhbərlərinə daha güclü peşəkar müəllim təşkilatları yetişdirmək qabiliyyətlərini artırmaq səlahiyyəti verməkdir. Seminar iştirakçıları tədris qrupları yaratmaq, habelə davamlı inkişafa yönələn peşəkar müəllim teşkilatları formalaşmaq sayəsində şəbəkələşmənin vacibliyini öyrəniblər. Təlim Fulbrayt alim, marketinq və sahibkarlıq kafedrasının dosenti Riçard Qotsşal, Anne Kanon, Tifani Tilman və Şəms Mustafayeva tərəfindən keçirilib.
