Bakı Dövlət Universiteti Filologiya fakültəsi

BDU-nun İngilis dili (təbiət fakültələri üzrə) kafedrasının baş müəllimi Nilufər Mahmudova ABŞ Dövlət Departamenti tərəfindən maliyyələşdirilən və ABŞ-nin Azərbaycandakı səfirliyi tərəfindən dəstəklənən Şimali Karolina Dövlət Universitetinin icra etdiyi iki günlük beynəlxalq konfransda iştirak edib. Konfransda tədrisdə ən qabaqcıl təcrübələr, müəllimlərin qarşılıqlı əməkdaşlığı, müasir texnologiyalardan istifadə kimi mövzular müzakirə olunub. Tədbirdə iştirakçılara təhsil, pedaqogika və xarici dillərin öyrənilməsi və xarici dil təlimi üzrə aktual tədqiqat və ədəbiyyat əsasında məşğələlər və poster təqdimatları keçiblər. Sonda Azərbaycanda ingilis dilinin tədrisi praktikasının təkmilləşdirilməsi üçün ən yaxşı praktikaların və müasir tendensiyaların paylaşılmasına yönəlmiş peşəkar inkişaf konfransında iştirak etmiş N.Mahmudova iştirak nişanı eldə edib.