Baş müəllim Gültəkin Qarabağlının açıq dərsi
BDU-nun Fizika fakültəsinin I kurs, 274-cü qrupunda Rus dili kafedrasının baş müəllimi Gültəkin Əliyar qızı Qarabağlı “Rus dilində işgüzar və akademik kommunikasiya” fənnindən açıq dərs keçirib. “Баку. Родительный падеж исходного пункта движения” mövzusuna həsr olunmuş açıq dərsdə kafedra müdiri, dosent Tahir Əşrəf oğlu Əliyev, əməkdaşlardan baş müəllim Gülnar Məmmədxan qızı Rəsulova və müəllim Nigar Tofiq qızı Əhmədova iştirak ediblər.
Dərsin əvvəlində müəllim jurnalda lazımi qeydləri edib. Sonra ev tapşırığı yoxlanılıb, mətn və mətnin lüğəti sorğulanıb, tələbələrin cavabları qiymətləndirilib və elan edilib. Sonra müəllim yeni dərsin mövzusuna aid giriş sözü söyləyib, Bakının tarixi, onun dünəni və bu günü haqqında danışıb. Dərsdə tələbələr fəallığı ilə fərqləniblər, mətnlə bağlı sualları cavablandırıblar, müxtəlif şifahi və yazılı çalışmalar üzərində işləyiblər. Metodik cəhətdən düzgün qurulmuş dərsdə müasir təlim materiallarından istifadə olunub.
