Baş müəllim Gülər Sənaninin açıq dərsi baş tutub
Bakı Dövlət Universitetinin Coğrafiya fakültəsinin I kurs 1244, 1248, 1260, 1262 saylı qruplarında (aud № 433, əsas bina, saat 12 00 -1335) Rus dili (təbiət fakültələri üzrə) kafedrasının baş müəllimi Sənani - Quliyeva Gülər Mövsüm qızının “Предложный падеж существительных. БГУ” mövzusunda açıq dərs keçirilib. Açıq dərsdə kafedranın əməkdaşları - kafedra müdiri, professor Mikayıl Cəfərov, baş müəllimlərdən Dilarə Mustsfayeva və Gülnar Rəsulova iştirak ediblər. Dərsin əvvəlində müəllim qeydiyyat aparıb, ev tapşırığını yoxlayıb, sonra sual- cavab yolu ilə frontal sorğuya tələbələrin əksəriyyətini dərsə cəlb edə bilib. Həmçinin tələbələr əvvəlki dərsi danışaraq mətnləri və qrammatik materialı dərs boyu təkrar ediblər. Yeni dərsin mövzusu maraqlı olduğundan müəllimə BDU-nun tarixindən dəyərli, məlumatlar çatdırıb və eyni zamanda rus dilində isimlərin hallanmasını çoxasylı misallarla izah edib. Dərsdə lövhə və dialoqdan geniş istifadə olunub. Tələbələr fəallıq nümayiş etdiriblər. Bütövlükdə, dərs metodik cəhətdən düzgün qurulub və məqsədinə çatıb.
