Baş müəllim Dilarə Mustafayevanın açıq dərsi keçirilib
Aprelin 19-da BDU-nun Mexanika-riyaziyyat fakültəsinin I kurs, 42 və 44-cü qruplarında Rus dili kafedrasının (təbiət fakültələri üzrə) baş müəllimi Dilarə Mustafayevanın “Легендарный герой”. “Родительный падеж множественного числа” mövzusunda açıq dərsi keçirilib.
Açıq dərsdə kafedranın baş müəllimləri - Nailə Nikolayevna Mirbabayeva və Natavan Əziz qızı Əsədova iştirak ediblər. Dərsin əvvəlində müəllim jurnalda qeydiyyat aparıb, ev tapşırıqlarını yoxlayıb, frontal sorğu keçirib. Dərsdə əvvəlki mövzuların təkrarına diqqət yetirilib. Yeni dərsin mövzusu əfsanəvi qəhraman Həzi Aslanovla bağlı olduğundan müəllim onun haqqında geniş məlumat verib və qəhramanın igidliyindən danışıb. Dərsdə tələbələrin hamısı çalışmalar üzərində işləməyə cəlb olunub. Auditoriya dərslik, lövhə və dəftərdə verilən çalışmalarda qoyulan sualları cavablandırıb. Metodik cəhətdən düzgün qurulan dərsdə müəllim və tələbələrin fəallığı qənaətbəxş hesab olunub.
