Aprel zəfərinə həsr olunmu tədbir keçirilib
BDU-nun Filologiya və Geologiya fakültələrinin Tələbə Gənclər Təşkilatının birgə təşəbbüsü ilə Aprel zəfərinə həsr olunmuş “Əsrə bərabər günlər” adı tədbir keçirilib. Tədbir Azərbaycan Respublikasının Dövlət Himninin səsləndirilməsi və Ulu öndər Heydər Əliyevin və şəhidlərimizin əziz xatirəsinin bir dəqiqəlik sükutla yad edilməsi ilə başlayıb.
Hər iki fakültənin sosial məsələlər və tələbələrlə iş üzrə dekan müavinləri – Anar Fərəcov və Ələkbər Mirzəyev Aprel döyüşlərinin tarixi əhəmiyyətindən danışıb, 2016-cı ildə qazanılan qələbənin 2020-ci ildə əldə olunan böyük zəfərə doğru atılan mühüm addımlardan biri olduğunu vurğulayıblar.
Tədbirdə Aprel zəfərinə həsr olunmuş videoçarx nümayiş olunub, tələbələr vətənpərvərlik mövzusunda çıxışlar edib, şeirlər səsləndirib və mahnılar ifa ediblər.
