Bakı Dövlət Universiteti Filologiya fakültəsi

BDU-nun Filologiya fakültəsinin Azərbaycan dili və nitq mədəniyyəti kafedrasının müəlimi, filologiya üzrə fəlsəfə doktoru Şəlalə Əliyevanın Şərqşünaslıq  fakültəsinin  I kurs, R-1582 və R-1580  qruplarında “Azərbaycan dilində işgüzar və akademik kommunikasiya” fənnindən “Akademik yazı qaydaları” mövzusunda açıq dərsi təşkil olunub. Açıq dərsdə kafedra müdiri, professor İlhamə Hacıyeva və müəllimlər iştirak ediblər. 
Dərs zamanı tələbələr akademik kommunikasiyanın əsas xüsusiyyətləri, yazılı akademik kommunikasiyanın növləri və onların hər birinin xüsusiyyətləri haqqında ətraflı məlumat verib, yazılı akademik kommunikasiyaya dair müsahibələr, diskussiyalar təşkil ediblər. Eyni zamanda dahi şair Məhəmməd Füzulinin 530 illiyi ilə bağlı şair haqqında maraqlı məlumatlar verilib, yaradıcılığından şeirlər səsləndirilib, təqdimatlar nümayiş olunub. Sonda aktivliyi ilə seçilən tələbələr qiymətləndirilib. 
Açıq dərsdə iştirak edən kafedra müdiri, professor İlhamə Hacıyeva və müəllimlər dərsin gedişinə dair fikirlərini bölüşüb, öz tövsiyələrini veriblər.