Azərbaycan dili və nitq mədəniyyəti kafedrası Azərbaycan dili və ədəbiyyatının tədrisi metodikası kafedrasının bazası əsasında 2014-cü ildə (“Azərbaycan dili” adı ilə) yaradılmışdır. BDU rektorunun 16.09.2016-cı il tarixli, R-83 saylı əmrinə əsasən “Azərbaycan dili” kafedrasının adı dəyişdirilərək “Azərbaycan dili və nitq mədəniyyəti” adlandırılmışdır. 2014-2019-cu illərdə kafedra müdiri dosent Səidə Vaqif qızı Abbasova olmuşdur. 2019-cu ildən kafedra müdiri professor İlhamə Həbib qızı Hacıyevadır.
Azərbaycan Respublikası Təhsil nazirinin 22 avqust 2014-cü il tarixli əmri ilə təsdiq olunmuş təhsil proqramına uyğun olaraq respublikanın bütün ali məktəblərinin tədris planlarına “Azərbaycan dili və nitq mədəniyyəti” fənni daxil edilmişdir. 2020-ci ilə kimi Universitetin bütün fakültələrinin Azərbaycan, rus və ingilis bölmələrinin I kurslarında tədris edilən bu fənnə 60 saat ayrılmışdı. Bunun 15 saatı mühazirə, 45 saatı isə məşğələ dərsləri üçün nəzərdə tutulmuşdu.
Ancaq 2020/2021-ci tədris ilindən bütün ali təhsil müəssisələrində olduğu kimi, BDU-da da “Azərbaycan dili və nitq mədəniyyəti” fənni “Azərbaycan dilində işgüzar və akademik kommunikasiya” adı ilə yeni məzmunda tədris olunur. Fənnin tədrisinə 45 saat məşğələ dərsləri ayrılıb.
Fəaliyyət dövründə kafedra müəllimləri tərəfindən proqramlar, dərsliklər, dərs vəsaitləri və metodik göstərişlər hazırlanıb nəşr edilmişdir: “Azərbaycan dili və nitq mədəniyyəti” (dərslik), “Azərbaycan dili” (dərslik), “Azərbaycan dili və ədəbiyyat dərslərində yazılı nitqin inkişaf etdirilməsi” (metodik göstəriş), “Ədəbi dilin fonetik və leksik normalarının tədrisinə dair” (metodik göstəriş), “Azərbaycan dili və nitq mədəniyyəti” (dərs vəsaiti) və s.
Kafedra haqqında
